Véndese preciosa vivenda unifamiliar de pedra situada no Lugar de Real, parroquia de Loentia, no concello de Castro de Rei. Trátase dunha propiedade totalmente independente, con moito encanto e carácter, que combina a construción tradicional galega coas comodidades actuais, lista para entrar a vivir e que se entrega completamente amoblada.

A vivenda conta cunha superficie construída total de 145 m², distribuída en dúas plantas. Na planta baixa atópase a zona de día, cunha cociña e salón nun espazo aberto moi acolledor, presidido por unha cheminea de leña que achega calidez e ambiente familiar, ademais dunha habitación e un baño completo. Na planta superior sitúase a zona de descanso, composta por dúas amplas habitacións, un segundo baño completo e un espectacular vestidor independente de gran tamaño, perfectamente acondicionado. Os teitos de madeira, os chans rústicos e os detalles en pedra vista reforzan o carácter cálido e tradicional da vivenda.

No exterior, a propiedade dispón dun amplo patio empedrado en pedra natural, zona axardinada e un agradable porche cuberto con mesa de pedra, ideal para reunións e comidas ao aire libre. Ademais, conta cun garaxe totalmente habilitado con cociña independente, perfecto como espazo para celebracións familiares ou como zona complementaria, unha lavandería independente, almacén, leñeiro e un espazo tipo taller completamente acondicionado.

A propiedade véndese xunto con dúas fincas adicionais: unha colindante á parcela principal, que amplía considerablemente o espazo exterior e as posibilidades de uso, e outra finca onde se sitúa un almacén que dispón de forno de leña tradicional, achegando un valor engadido tanto para uso particular como para posibles proxectos rurais ou de lecer.

En conxunto, trátase dunha propiedade moi completa, ideal como vivenda habitual, segunda residencia ou mesmo como casa rural, situada nun entorno tranquilo e natural, pero ben comunicado. Unha oportunidade única para quen busca espazo, privacidade e o encanto auténtico dunha casa de pedra galega.